जिल्हा कोषागाराकडून निवृत्तीवेतनधारक, कुटुंबनिवृत्तीवेतनधारकांना ऑनलाईन व्यवहार फसवणूकीपासून सावधान राहण्याचे आवाहन.

 सह्याद्री निर्भिड न्यूज

फलटण/वैभव जगताप 

जिल्हा कोषागाराकडून निवृत्तीवेतनधारक, कुटुंबनिवृत्तीवेतनधारकांना ऑनलाईन व्यवहार फसवणूकीपासून सावधान राहण्याचे आवाहन.

सातारा दि. 12:  सातारा जिल्हा कोषागारामार्फत निवृत्तीवेतनधारक यांना निवृत्तीवेतन, कुटुंबनिवृत्तीवेतन विषयक तसेच इतर लाभ प्रदान करण्यात येतात, सदर लाभ प्रदान करताना कोणत्याही प्रकारे वसुलीबाबत किंवा प्रदान करण्यात येणा-या रकमेबाबत कोषागारामार्फत फोन करुन प्रत्यक्ष संपर्क साधला जात नाही किंवा ऑनलाईन व्यवहार करण्याविषयी सुचित केले जात नाही. याबाबत काही निवृत्तीवेतनधारकांना फोन करुन ऑनलाईन रक्कम भरल्यानंतर कोषागारातील थकित रक्कम मिळणार असल्याचे सांगितले जात आहे याबाबतच्या तक्रारी कोषागार कार्यालयास प्राप्त झाल्या आहेत. अशा कोणत्याही प्रकारचा फोन जिल्हा कोषागार कार्यालयामार्फत केला जात नाही. 

तरी यापुढे आपणांस दूरध्वनी/भ्रमणध्वनीवरून उपरोक्त प्रदानासंदर्भात संपर्क साधुन रक्कम ऑनलाईन, गुगल पे किंवा  इतर ELECTRONIC माध्यमांदवारे भरणेविषयी सांगण्यात आले तर आपण तात्काळ जिल्हा कोषागाराशी संपर्क साधावा व खात्री करुन घ्यावी, याबाबत निवृत्तीवेतनधारकांनी परस्पर रक्कम भरल्यास ती निवृत्तीवेतनधारकाची वैयक्तिक जबाबदारी राहील याची नोंद घ्यावी, असे आवाहन सातारा जिल्हा कोषागार कार्यालयामार्फत जिल्हा कोषागार अधिकारी व अप्पर कोषागार अधिकारी (निवृत्तीवेतन) यांचेकडून करण्यात येत आहे.

बातम्या आणि जाहिरातीसाठी संपर्क -वैभव जगताप

मोबाईल -8007852121