मतदान शंभर टक्के संकल्प.

 सह्याद्री निर्भिड न्यूज

फलटण/वैभव जगताप 

मतदान शंभर टक्के संकल्प. 

मानवी साखळी द्वारे अनोख्या पद्धतीने मतदान जनजागृती

फलटण - भारतीय निवडणूक आयोगामार्फत मतदारांमध्ये मतदानाबाबत जनजागृती होऊन मतदानाचा टक्का वाढवण्यासाठी  विविध उपक्रम सुरू आहेत.

 43 माढा लोकसभा निवडणूक 2024 अंतर्गत २५५ फलटण विधानसभा मतदार संघामध्ये विविध पातळीवर विविध घटकामार्फत जनजागृती सुरू आहे. 

 सहाय्यक निवडणूक निर्णय अधिकारी सचिन ढोले तसेच तहसीलदार  डॉ. अभिजीत जाधव,स्वीप नोडल ऑफिसर एस के कुंभार, स्वीप पथक प्रमुख शहाजी शिंदे, पूजा दुदुस्कर यांच्या मार्गदर्शनाखाली मतदार जनजागृती चे काम सुरू आहे. 

श्री सदगुरु हरिबुवा महाराज शिक्षण   संस्था फलटण येथे स्वीप अंतर्गत मतदान जनजागृतीसाठी मतदान शंभर टक्के संकल्प अनोख्या पद्धतीने 400 विद्यार्थ्यांच्या  माध्यमातून मानवी साखळी द्वारे मतदान बाबत जनजागृती चा संदेश यावेळी देण्यात आला. 

यावेळी स्वीप सहायक अधिकारी फलटण यांनी उपस्थित पालक व शिक्षक वर्गाना मतदानाचा हक्क बजावण्यासाठी अहवान केले. मतदान 100 टक्के संकल्प द्वारे मानवी साखळी तयार करून देण्यात आलेला संदेश नक्कीच मतदारा मध्ये मतदान करणे बाबत संदेश पोहचवून मतदान हक्क बजावण्यासाठी प्रोत्साहन मिळेल. दिनांक 7 मे 2024 रोजी मतदान केंद्रावर जाऊन मतदान करण्यासाठी सांगितले. 

यावेळी एकाच वेळी 400 विद्यार्थ्यांनी आई / बाबांचा संकल्प आमचा १००% मतदानाचा  पत्र दिले.

तसेच नागरिकांना मतदान जनजागृती बाबत मतदान शपथ देण्यात आली 

यावेळी स्वीप टीम सदस्य तसेच मुख्याध्यापक व शिक्षक वर्ग, पालक व  नागरिक तसेच शाळेतील विध्यार्थी उपस्थित होते.

बातम्या आणि जाहिरातीसाठी संपर्क -वैभव जगताप

मोबाईल -8007852121