मोटारसायकल चोरी करणा-यास कराड शहर पोलीस ठाणेच्या गुन्हे प्रकटीकरण शाखेकडुन अटक, 03 गुन्हे उघडकीस.

 मोटारसायकल चोरी करणा-यास कराड शहर पोलीस ठाणेच्यागुन्हे प्रकटीकरण शाखेकडुन अटक, 03 गुन्हे उघडकीस.

फलटण/वैभव जगताप 

मा. पोलीस अधीक्षक समीर शेख सो सातारा मा. अपर पोलीस अधीक्षक आंचल दलाल मॅडम सातारा, मा. उपविभागीय पोलीस अधिकारी कराड विभाग कराड अमोल ठाकुर सो. व मा. वरिष्ठ पोलीस निरीक्षक प्रदीप सुर्यवंशी सो. कराड शहर पोलीस ठाणे यांच्या मार्गदर्शनाखाली कराड शहर पोलीस ठाणेच्या गुन्हे प्रकटीकरण शाखेने मोटार सायकल चोरणा-यास तांत्रिक पध्दतीने तपास करुन एकास अटक केली आहे.चालु वर्षी कराड शहर पोलीस ठाणे हद्दीतुन बेमालुमपणे मोटार सायकली चोरीस गेल्या असलेने त्या सराईत चोरटयाचा शोध घेवून त्यास अटक करुन गुन्हे उघडकीस आणणेकरीता मा. पोलीस अधीक्षक सो सातारा यांनी कराड शहर पो. स्टे. प्रभारी वरीष्ठ पोलीस निरीक्षक श्री. प्रदीप सुर्यवंशी तसेच गुन्हे प्रकटीकरण शाखेचे पोलीस उनिरीक्षक श्री. राजु डांगे यांना आदेशीत केले होते. त्याप्रमाणे वरीष्ठांच्या मार्गदर्शनाखाली पोलीस उपनिरीक्षक राजु डांगे यांनी गुन्हे प्रकटीकरण शाखेच्या पोलीस अंमलदारांकरवी तत्रिक माहीतीच्या आधारे तसेच गोपनीय बातमीदार तयार करुन शोध घेवुन दिनांक 10.10.2023 रोजी कराड शहर पो. स्टे. हद्दीत गस्त करीत असताना संशयावरुन नितीन तुकाराम बसनुर, वय 26 वर्षे, रा. येणपे ( उंडाळे) ता. कराड यांस दिनांक 10.10.2023 रोजी अटक करणेत आली असुन कराड शहर पो. स्टे. कडे दाखल असलेले गुन्हा रजि. नं. 1127/2023 भादविसं. क. 379, गुन्हा रजि. नं. 1128/2023 भादविसं. क. 379 व गुन्हा रजि. नं. 1133/2023 भादविसं. क. 379 हे गुन्हे उघडकीस आणले आहेत. तीन्ही गुन्हयातील चोरलेल्या मोटार सायकली कराड शहर पोलीस स्टेशनच्या गुन्हे प्रकटीकरण शाखेने हस्तगत केलेल्या असुन सुमारे 1 लाख 10 हजार रुपयांच्या तीन मोटार सायकली हस्तगत केलेल्या आहेत. त्याचेकडुन आणखी गुन्हे उघडकीस येणेची शक्यता असुन तसा त्याचेकडे तपास चालु आहे.

सदरची कामगिरी मा. पोलीस अधीक्षक समीर शेख सो सातारा, मा. अपर पोलीस अधीक्षक आंचल दलाल मॅडम सातारा, मा. उपविभागीय पोलीस अधिकारी कराड विभाग कराड अमोल ठाकुर सो. व मा.वरिष्ठ पोलीस निरीक्षक प्रदीप सुर्यवंशी सो. कराड शहर पोलीस ठाणे यांच्या मार्गदर्शनाखाली गुन्हे प्रकटीकरण शाखेचे पोलीस उप निरिक्षक आर. एल. डांगे, सफो रघुवीर देसाई, सफो. संजय देवकुळे, पो. हवा. शशिकांत काळे, पोलीस नाईक कुलदिप कोळी, संतोष पाडळे, पो. शि. महेश शिंदे, आनंदा जाधव, अमोल देशमुख, मुकेश मोरे, दिग्विजय सांडगे, सोनाली पिसाळ यांनी केलेली आहे.