सातारा जिल्हयामध्ये सातत्याने शरिराविरुध्दचे तसेच मालमत्तेविरुध्दचे गुन्हे करणाऱ्या

०४ जणांच्या टोळीस सातारा पोलीसांनी केले तडीपार

फलटण/वैभव जगताप

सातारा जिल्हयामध्ये सातारा व कराड तालुक्यातील सातारा, बोरगांव, उंब्रज पोलीस ठाणे हद्दीत

शरिराविरुध्दचे तसेच मालमत्तेविरुध्दचे गुन्हे कारणारे टोळी प्रमुख १) अमित ऊर्फ कन्हैय्या सुनिल साळुंखे, वय ३२ वर्षे,रा. नागठाणे ता. जि. सातारा (टोळी प्रमुख)

२) साहील रुस्तुम शिकलगार, वय २४ वर्षे, रा. नागठाणे ता. जि. सातारा(टोळी सदस्य)

३) अमर ऊर्फ भरत संजय मोहीते, वय २६ वर्षे, रा. नागठाणे ता.जि. सातारा ( टोळी सदस्य)

४) अशिष बन्सीराम साळुंखे, वय २७ वर्षे, नागठाणे ता. जि. सातारा (टोळी सदस्य )

यांचेवर सातारा जिल्हयामध्ये खुन करणे, खुनाचा प्रयत्न करणे, दरोडा टाकणे, जबरी चोरी करणे, घरफोडी चोरी करणे, विनयभंग करणे, बेकायदेशीर जमाव जमवुन शिवीगाळ, मारहाण, दमदाटी करणे, खंडणी करीता अपहरण करुन खुन करणे, बेकायदेशीर शस्त्र बाळगणे, कायदेशीर रखवालीमधुन पळुन जाणे वगैरेबाबत गुन्हे दाखल असल्याने बोरगांव पोलीस ठाणेचे प्रभारी अधिकारी सहा. पोलीस निरीक्षक आर. जी. तेलतुंबडे यांनी सदर टोळीविरुध्द महाराष्ट्र पोलीस कायदा कलम ५५ प्रमाणे सातारा जिल्हयातुन तडीपार करणेबाबतचा प्रस्ताव हद्दपार प्राधिकरण तथा पोलीस अधीक्षक सातारा यांचेकडे सादर केलेला होता. सदर प्रस्तावाची चौकशी किरणकुमार सुर्यवंशी उपविभागीय पोलीस अधिकारी सातारा शहर विभाग यांनीकेली होती.

यातील टोळी ही सातारा जिल्हयातील सर्वसामान्य लोकांचे शरिराविरुध्दचे तसेच मालमत्तेचे नुकसान करुन गुन्हे करीत होती. त्यांचेवर दाखल असले गुन्हयांमध्ये त्यांना अटक व कायदेशिर कारवाई करुनही ते जामीनावर बाहेर आल्यानंतर त्यांचेवर वेळोवेळी करण्यात आलेल्या प्रतिबंधक कारवाईचा कोणताही परिणाम त्यांचेवर झाला नाही अगर त्यांचे गुन्हेगारी कृत्यांमध्ये सुधारणा झाली नाही. तसेच त्यांचेवर कायदयाचा कोणताच धाक न राहील्याने अशा गुन्हेगारांवर सर्वसामन्य जनतेमधुन कडक कारवाई करणेची मागणी होत होती.

वरील टोळीला मा. समीर शेख, हद्दपार प्राधिकरण तथा पोलीस अधीक्षक सातारा यांचे समोर सुनावणी होवुन त्यांनी महाराष्ट्र पोलीस कायदा कलम ५५ अन्वये सातारा जिल्हयातुन दोन वर्षाकरीता हद्दपारीचा आदेश पारीत केलाआहे.नोव्हेंबर २०२२ पासुन १२ उपद्रवी टोळयांमधील ३५ इसमांना तडीपार करण्यात आले आहे.

भविष्यातही सातारा जिल्हयामधील सराईत गुन्हेगारांचेविरुध्द हद्दपारी, मोक्का, एमपीडीए अशा प्रकारच्या कडककारवाया करणेत येणार आहेत.

या कामी हद्दपार प्राधिकरणापुढे सरकार पक्षाच्या वतीने अपर पोलीस अधीक्षक सातारा, श्री बापु बांगर यांचे मार्गदर्शनाखाली स्थानिक गुन्हे शाखेचे श्री अरुण देवकर, पोलीस निरीक्षक, स्थानिक गुन्हे शाखा, सातारा,पोलीस उपनिरीक्षक मधुकर गुरव, पोना प्रमोद सावंत, पो.कॉ. केतन शिंदे, म.पो. कॉ. अनुराधा सणस यांनी योग्य पुरावा सादर केला आहे.

बातम्या आणि जाहिरातीसाठी संपर्क: वैभव जगताप

८००७८५२१२१