सह्याद्री निर्भिड न्यूज
फलटण/ वैभव जगताप
वाहतुक नियमांचे पालन करण्याचे आवाहन.
फलटण शहरात अनेक दुचाकी वाहनांवरुन तीन किंवा जास्त व्यक्ती प्रवास करीत असल्याचे, वाहनांचे नंबर
प्लेट नसल्याचे किंवा ती व्यवस्थीत दिसत नसल्याच्या घटना निदर्शनास आल्या. फलटण शहरातील गुन्ह्यांचा आढावा
घेता, अनेक गुन्ह्यांमध्ये वाहनांचा वापर झाल्याचे निदर्शनास येते. सन २०२४ मध्ये आज पर्यंत एकुण ६ दुचाकी वाहने
चोरीस गेल्याबाबत फलटण शहर पोलीस ठाणे येथे गुन्हे दाखल करण्यात आले आहेत.
लोकसभा निवडणूकीच्या पार्श्वभुमीवर वाहनांची तपासणी करण्यासाठी तसेच गुन्ह्यांना आळा घालण्यासाठी,
जिवीत हानी वाचविण्यासाठी संभाव्य अपघात टाळण्यासाठी, दुचाकी वरुन नियमबाह्य रितीने गाडी चालवणा-यांविरुध्द
कारवाई करण्यासाठी दि.१७/०३/२०२४ रोजी फलटण शहरातील बारामती पूल येथे सायंकाळी आणि
दि.१८/०३/२०२४ रोजी सकाळी सातारा पूल येथे नाकाबंदीचे आयोजन करण्यात आले होते. सदर नाकाबंदीवेळी ४०
वाहनांवर कारवाई करण्यात आली आहे.
या पुढेही गुन्हे प्रतिबंधासाठी फलटण शहर पोलीसांतर्फे नाकाबंदी आयोजित करण्यात येणार आहे.
या पार्श्वभुमीवर नागरिकांना आवाहन करण्यात येते की, वाहन चालविताना वाहतुक नियमांचे पालन करावे,
अल्पवयीन मुलांना वाहन चालविण्यात देऊ नये, वाहनांच्या कागदपत्रांची खात्री करावी, विना परवाना वाहन चालवू
नये, वाहनाची नंबर प्लेट असावी आणि ती सुस्पष्ट असावी.
बातम्या आणि जाहिरातीसाठी संपर्क -वैभव जगताप
मोबाईल -8007852121
Post a Comment
0 Comments